الثلاثاء، 28 أكتوبر 2008

هو انا لاقيها منك ولا منه !!

الديره عفسة
مو شىء جديد الصراحة

بس في شىء الصراحة يحر
ليش صرنا نسايين ؟ ما اسرع ما ننسي

تذكرون حسين الفضالة ؟ صار له 117 يوم و لا خبر
تذكرون شلون الناس صفقت حق قوانين الرياضة ؟ الحين صار مرزوق كخة ؟

الحين الناس بتنسي المصفاة الرابعة
الحين الناس بتنسي الرياضة
الحين الناس بتنسي التربية و التعليم العالي

انا اموت و اعرف متي الوقت مناسب ؟ ممكن الناطق الرسمي للحكومة ( حسب علمي هو فيصل حجي بوخضور و الشغلة الغريبة انه اقل وزير يصرح ) يعطينا جدول زمني قبل كل دور انعقاد ؟

و اعذار الحكومة زاهبة ما شاء الله

من 1980 - 1988 حرب العراق ايران
من 1992 - 2003 جار الشمال متربص
من 2003 - 2007 ايران و مشاكلها مع الطاقة الذرية
من 2007 - اليوم المشكلة الاقتصادية

و الحين رئيس الوزراء خط احمر ( ما ادري ليش ؟ اخر صورة له وجهه عادى )

شكلهم ناوين على المجلس

هناك 8 تعليقات:

enter-q8 يقول...

اذا على المجلس هين

كويــتي لايــعه كبــده يقول...

صدقت

والناس الربحانه هي اللي تراهن على غباء الناس وقلة قيمهم وذكرتهم الضعيفة

الفضالة صار له 122 يوم
ما حطو بانقاذه خمس ما حطوا بانقاذ البورصة وشركاتهم

بوتشخيص يقول...

صاج الناس تنسى بسرعة ..

اليوم اللي يمدحونه شادخين فيه باجر و اللي يذمونه يسوونه نبي ..

موظف حكومة يقول...

حاكي عقالي
ما صار مجلس
حالينة و رادينة
حالينة و رادينة
حالينة و رادينة

موظف حكومة يقول...

كويــتي لايــعه كبــده
اي والله و لا حتي عشر الجهد

موظف حكومة يقول...

بوتشخيص
لا و الحين يمدحونة و يذمونة مع بعض !!

JiBLa CiTY يقول...

نسينا أحمد اليوسف؟

P:

موظف حكومة يقول...

مدينة جبلة
اول شىء حياك الله بالمدونة

بعدين منو يقدر ينسي احمد اليوسف
اليوم طالع و يقول اقدر احل مشكلة الفيفا