الثلاثاء، 14 أكتوبر 2008

تلت التلاتة كام !

احلي شىء بالدوام من صباح الله خير نجرة

يعني قاعديين نتريق و الجماعة بنكي احسن من بنكك
شلون بنكك ؟ عندكم ملكية ؟
الى يسمع يقول البحر و المخيزبم يسولفون
اقصاة واحد عنده اسهم بـ 3000 دينار بالتمويل و الثاني حساب الجوهرة ما ادرى المليونير
نفس لما واحد يقولك فريقي بط فريقك بالبطولة الاوربية و اخرها ليفربول باط ميلان
شكو ما ادري

المهم النجرة على منو مسوي ارباح اكثر
واحد يقول الوطني و الثاني يقول التمويل
لما مشجع الوطتي قال ان الوطني حقق ارباح اكثر بـ 20 مليوم من التمويل
صراحه كان شكلها قوية
و بتاع التمويل بغي يزنطه
طلع الجريده ( ما غيرها الجريدة ، جريدة الجريدة ) و شنو مكتوب بالصفحة الأولي

بلغ نصيب بنك الكويت الوطني منها 243,7 مليون دينار عن الاشهر التسعة الأولى من عام
2008 مقابل 220,5 مليون دينار عن الفترة نفسها من عام 2007، أي بزيادة قدرها 10,5%،
وارتفعت الإيرادات التشغيلية للبنك إلى 393 مليون دينار مقابل 339 مليونا عن العام
السابق.
اما أرباح بيت التمويل الكويتي (بيتك) فوصلت الى 220.59 مليون دينار
بزيادة 25% عن الفترة نفسها من العام السابق، وارتفعت ربحية السهم إلى107 فلوس
مقارنة مع 89 فلسا للفترة نفسها من العام الماضي بزيادة بلغت 20%.


احنا تنحرنا
التمويل محقق ارباح اقل من الوطني ؟ ما اذكر صارت من قبل
الاخ مال التمويل نط و قال كذاب !!
و يطلع الوطن

أعلن رئيس مجلس الادارة والعضو المنتدب في بيت التمويل الكويتي- بيتك - بدرعبد
المحسن المخيزيم أن -بيتك - حقق أرباحا اجمالية في نهاية الربع الثالث من العام
الجاري قدرها 463.42 مليون دينار( 1740.06 مليون دولار)، مقارنة بأرباح اجمالية
قدرها 393.46 مليونا (1478.06 مليون دولار) للربع الثالث من العام الماضي


فرق فوق الـ 200 مليون اهنى احنا قلنا ولين ردينا على الوطنيين و المو وطنيين

بعدين تفاجئنا بهالخبر فى الجريدة ( ما غيرها الجريدة ، جريدة الجريدة )
http://193.200.40.42/aljarida/Article.aspx?id=81374

أعلن رئيس مجلس الإدارة والعضو المنتدب في بيت التمويل الكويتي–بيتك– بدر عبد
المحسن المخيزيم أن «بيتك» بتوفيق من الله تعالى وكرمه حقق أرباحاً إجمالية للربع
الثالث من العام الجاري قدرها 463.42 مليون دينار (1740.06 مليون دولار أميركي)،
مقارنة بأرباح إجمالية قدرها 393.46 مليون دينار (1478.06 مليون دولار) للربع
الثالث من العام الماضي، وبنسبة نمو 18%


شنو ؟

بابا ما تعرف تكتب خبر لاتكتب
بالاولى تقول 220 و الاقتصادية 463
شنو لعب يهال ؟

ما اقول إلا تفو على الجرايد ، ما نثق فيهم ارقام بعد

هناك 10 تعليقات:

بـنـت بـطنـهـا يقول...

انا صرت ما امسك الجريدة إلا لما ما يكون عندي ولا شي ابدا اسويه مقاطعة الجرايد من 2001
وتبي الصج ؟
اتوقع حتى لو كانوا داقين على البنك نفسه يستفسرون منه ماراح يعطونهم الرقم عدل بعد

enter-q8 يقول...

يعني يالزميل الصحافة بكبرها تلش
شنو تتوقع من الجريده عاد كله ماشي منو يدفع اكثر تشوف الخبر

موظف حكومة يقول...

ينت بطنها
المشكلة مو من البنك
المشكلة منهم لأنهم ناشرين كلام البنك

موظف حكومة يقول...

حاكي عقالي
ممكن ليش لأ

Arfana يقول...

عزيزي... أنا من متابعي هالمدونة الجميلة وعادة أكتفي بالقراءة

موضوعك حيرني طول اليوم أمس... بعد استشارة صديقة لي عرفت سر الخبر

ويا ريت لا أتهم بالتبعية للصقر أو خالد هلال.

الفرق بين الخبرين هو أن الثاني يعبر عن الأرباح الإجمالية... مما يعني أن الخبر الأول يعبر عن الأرباح الصافية.

هذا اللي وصلت له :-)

كويــتي لايــعه كبــده يقول...

الجرايد حتى تحت الأكل ما استخدمها

السماط البلاستك انظف واحلى

جرايدهم
شركاتهم
ارباحهم
صرعاتهم
بورصتهم
حيلهم
وبينهم


ربعك الفقاره اللي حاشرين نفسهم بالغلط
:)

JiBLa CiTY يقول...

وشحقة تعور راسك؟

سكبببببببببببببببببببببببببببب

:)

لاداش جيبي شي ولا شيااات


فخار يكسر بعضه

موظف حكومة يقول...

ارفانا
ما عندي خبراء ما عدي المطقطقيين بالبورصه الي بالمكتب
و يقولون انة الصقر متعمد وضع الخير بهالشكل

موظف حكومة يقول...

كويــتي لايــعه كبــده
ياخوك شنسوي نقرا جرايد حق الاعلانات
و اخبار الرياضة

موظف حكومة يقول...

مدينة جبلة
صاج
بش شغله اذتني
خصوصا بعد الصكة الي صارت و احنا نتريق