الأربعاء، 23 يوليو 2008

من حبنا لها ننشوى فيها

يوبا والله العظيم نحبها وايد وايد وايد

بس ليش لازم نطفى المكيف علشانها ؟
شنو هالافكار العبقريه
الله يهدى الى ماسكين مشروع ترشيد ( او يأخذهم حسب اتجاهك الفكرى هذى الايام )
يقولك تخفيض حراره المكيف يوفر بالطاقه

نسو يذكرون انه هذا ممتاز للى يسافر مو القاعد بالمكيف
انشوينا
و الاخ المتين بالقسم صار فسيخ
و العصير صار مو شى طعمه بعد 5 دقائق بالمطبخ


شعار الحمله القادم لازم يكون
من حبنا لها ما راح نصيف فيها
و نحط خصومات على التذاكر و الفنادق


بس السنه اشوف ان المشكله من عطل بالمولدات صارت بالكيابل و المحولات
و هل لازم تصير ازمه علشان نصلح ؟ ليش ما الكيابل و المحولات تصلحت قبل ما تخترب ؟

هناك 10 تعليقات:

غير معرف يقول...

مالك الا المدينه الترفيهية
او الحداق بالحر
او روح الخفجي مثلي

EXzombie يقول...

خل يسوون لنا مدينة تحت الماي و بعدين يسألوننا عن التكييف

على نفسها جنت براقش يقول...

من حبنا لها شلعنا منها

لوووووووووووووووووووول

الله يعينكم


احنا عندنا مطر و جو زين مو برد لكن مو شوايه

enter-q8 يقول...

الوزار و الفانيلا العلاق

او تبل الشرشف ماي و تعلقه على الدريشة


ما ادري وين قاعدين

ما اقول الا حسبي الله على اللي كان السبب

كويــتي لايــعه كبــده يقول...

من حبنا لها ما نبوقها ونخطط على اموالها
من حبنا لها نعزها وما نوزع فلوسها مجاملات وترس مخابي من الطرفين
من حبنا لها نخطط لها ونرفع من مستواها
من حبنا لها نوقف نفاق ونقول الصج
من حبنا لها نسكر التكييف عن القصور الكبيره اللي اغلبها فاضي وما نطالب باقي البشر يعيشون بالخيسة اللي ما نرضاها على نفسنا
من حبنا لها... كلام فاضي وماخوذ خيره
الصج الكل من فوق لي تحت ينهش فيها

من حبنا لها نصير أوادم ونستحي شوية

موظف حكومة يقول...

مقهور
المدينه االترفيهيه مافيها كهربا
و مانى حداق
شنو بالخفجى حلو ؟

موظف حكومة يقول...

الزومبى السابق
طبقات ؟

موظف حكومة يقول...

على نفسها جنت براقش
وين قاعده ؟ خوش مكان ؟

موظف حكومة يقول...

حاكى عقالى
والله يبيله وزار بالمكتب
ندز استفسار حق الديوان

موظف حكومة يقول...

كويــتي لايــعه كبــده
صح لسانك