الخميس، 10 يوليو، 2008

تعال يا خواجه ، اصل احنا جزم منعرف حاجه

مع الاسف واضح ان هذا تفكير مجموعه لا بأس بها من الكويتين و ما اعرف شنو السبب

المشكله لو كل واحد شاف الكويتي الى يمه يشوف عبقرى
شوف شكثر شركات فيها كويتيين ماكو مثلهم ، احتلو الخليج اقتصاديا
انا ما اقول رئيس مجلس الإداره او مدير عام
انا اتكلم عن صغار الموظفيين

طبعا الجماعه الى عندى فى الحكومه مثلى الله يعينهم
لا الحكومه تحبهم و المدير الى صار له مليون سنه مدير ما يسمع إلا كلام خواجات ( مصاروه او سوريين )
و الترقيات ما تحوش الا الى مضبط المصاروه ( إلا من رحم ربى على قوله الاخ الزميل جار البارتشن )

امثله حلوه من مدونه الاخ بو مريوم
واحده من نيويرك

انا ما ادري ليش الاستهبال علينا...صحافة الكويت قامت و تقوم على حس اللبنانيين و المصريين و السوريين و بقية العرب. تبون تشوفون خير مثال للصحافة مع التكويت؟ شوفوا الوطن...ما اقول الا سف و تف عليها

ما ادرى الاخت شايفه الصحافه عندنا مستوى ؟ لا تقصون على عمركم و تخربطون هذا الكلام
جرايدنا ما كانت حتى تنشر اخبار كويتيه ، كانت جرائد ثوريه
السوريين المطرودين من سوريا يتكلمون عن سوريا و المصاروه عن الحصنى و هلم جرا ( مره ثانيه جمله بايقها من الاخ الزميل جار البارتشن ) ,
و الوطن الى تتف عليها عالاقل موظفه كويتين مو شويه فيز و مالهم سالفه

و الى مو شايف مشكله انه ينسمى زباله فهو زباله

ان لم تكن ذئبا بالت عليك الثعالب (مره ثالثه جمله بايقها من الاخ الزميل جار البارتشن* )

تكفون لا تقولون
حمدوا ربكم احد كتب عنكم موضوع

محنا طرارين

ليش محد حمد عمره لما قالوا نبى خمس و الحكومه قالت 10 ؟
ليش محد حمد عمره لما قالوا تصويت و ترشيح و حدس قالت تصويت بس ؟

بس لما نتمصخر حمدوا ربكم ؟
او لما نتمصخر من خواجات ؟

يعنى لو جمال حسين ( عفوا د. جمال حسين ) طلع بالتلفزيون و قال
تو الناس على تصويت المرأه

الجماعه اياهم بينشعمون ؟

لو طلع لبنانى و قال
اى لبنان حلو و بنقدر نضيفكم

الناس كلها تطير اهناك
اف خره هذى صارت

عالعموم المدير يبى تقرير ، خالنشوف شنو سالفته و نرجع

* ملعون الخير المفروض اكتب عنه موضوع ، بس خل يطلع اجازه مو راضى يعلم متى

هناك 4 تعليقات:

forzaq8 يقول...

المصريين اختلو كل شىء بالديره
قانونيين و طباعيين

يعرف ترقيتك قبل مديرك

جار المكتب شكله من القرن الاول الهجرى
ننطر موضوعك عنه

Enter-Q8 يقول...

مشكلة عدم الاستيعاب
يعني بكلامهم هذا يأكدون انهم اهم الاتكاليين
و كذلك هم العنصريين

و فوق هذا ما يبون احد يركب فوقهم

يعطيك العافية

KrakatoA يقول...

روح ديوان الخدمة وشوف ادارة الفتوى والراي عندهم..وشوف مطبخ قوانين الدولة شلون تنطبخ فيه قوانين العمل اللي تخدم المصريين بالدرجة الاولى بعدين ربعنا

موظف حكومة يقول...

اسف لعدم الرد
عطله و نسيت الباسورد بالدوام

الاخ فوروزاكيوايت
اى والله ذبحونا
طلع لى دوره بمصر كل واحد يبارك و يسأل اذا اقدر اشيل اغراض معاى
لان الكويتيه تخلى موظفى الحكومه يشيلون اكثر

ان شاء الله الموضوع قريب بس ما ابى اكتبه و هو قاعد على مكتبه
كل 3 دقائق يطل على

حاكى عقالى
يبون يدورونا فى حلقه مفرغه

كراكوتا الكويت
الخدمه و او الخمه ؟
شقونى شق
بدل فى ، بدل ما فبش
5 اشهر الى ان ردوه ردهم الله مصر