الثلاثاء، 22 ديسمبر 2009

الميه غليت ولا لسه ؟

الجويهيل و الشيعه و الفضاله و الرفاعي

الصراحه انا رأيي الرفاعي ماله شغل الرجل مو بدأ اليوم يقول الي يقوله ، صار له فوق الـ 5 سنوات اذا مو اكثر
و اي واحد راح مقبره صليبيخات شافه اكثر من مره

الغير في الموضوع صرخه النواب الشيعه مع الكبير مالهم المطوع ، و الي يقول انه مو هو كبيرهم اقول له شوف تصريحاته هو الي يبدئ الموضوعات و الي وراه يطيرون فيها
الواحد ما وده يصير طائفي ، بس الدار و بعض الشيع صايرين يصعدون كل شوي
بعدين الرفاعي مستند علي احاديث و لا شفت احد يفندها ، بس شفت نياح ، لو علي التحلطم ترا نص الحسينيات معلق عليها " يالثارات الحسين " و الي اعرفه معاويه و عياله ماتوا من زمان ، يبون يثأرون من منو الحين ؟

الجويهيل انا مو صادمني إلا انه في ناس معجبون فيه ! و مصدقين كل شيء يقوله ، حتي مع كل الكذبات الي اثبت كذبها بس في ناس معجبه و مصدقه ، نفس الاهبل بالدوام الي زين الهيلا ما اجرموا فيه

الي الفضاله
انا ماني من ربعك و لا امون عليك
بس رساله اوجهها لك
الله يعينك علي الي بيحوشك ، و الله يصبرك عليه ، تري في ناس راح تضغط و تنصح و تقول لك نزل نفسك بالانتخابات اليايه
و تعطيك كلام مثل " لو قد كلامك انزل " و تبربس مثلها بس نصيحه لا تنزل
نزولك يخلي كل كلامك ( حق و باطل ) تكسب انتخابي ، نزولك و اي رقم تحصل عليه راح ينعكس علي كل كلامك

هناك 6 تعليقات:

EXzombie يقول...

كلامك واقعي و اوافقك عليه

enter-q8 يقول...

لازم كل مره بهالاشهر تطلع لنا سالفة شيعة وسنهة و مزايدات من الطرفين، كلام حسن جوهر امس كان جدا رائع

اما الجويهل فا اقول يبيله ينزل بالدائرة الخامسة

اما خالد الفضاله اقولك ان رسالتك اوصلت له و انا واحد قلتها له من قبل و عدتها عليه بالامس اذا بتمشي بهالطرق منت بروحك و اعرف ان الكثيرين راح يوقفون معاك وما راح يخلونك

موظف حكومة يقول...

زومبي سابق
اشكرك

موظف حكومة يقول...

حاكي عقالي
شنسوي كل مره هالكلام بس ما يعرفون
لا و يغيبون بعاشوراء و لا احد يسأل فيهم

كويــتي لايــعه كبــده يقول...

"يبون يثأرون من منو الحين ؟"
سؤال منطقي في وقت زاد به الحساسية واللف والدوران

جويهل جاهل راكب موجه وبالتوجيه
والمعجبون به لهم أسبابهم العنصرية

الفضالة الضغط شغال عليه لكن الرجال رجال

موظف حكومة يقول...

كويــتي لايــعه كبــده
بس الناس ما تفهم منطق الحين