الخميس، 15 أكتوبر، 2009

الست مش حاتيجي الشغل النهارده

و لا باكر و لا بعده و لا السنه القادمه اذا الخبلات مشو قوانينهم

من جريده الجريده

أكدت النائبة د. معصومة المبارك أن لجنة شؤون المرأة والطفل البرلمانية وافقت في اجتماعها أمس على زيادة أيام إجازة الوضع إلى 70 يوماً، إضافة إلى منحها إجازة إضافية لمدة 4 أشهر براتب كامل، مشيرة إلى أن الموظفة لها الحق في طلب 6 أشهر أخرى بنصف راتب.

70 يوم ؟ يعني شهرين و 10 ايام ، و يخلون الامومه بلا خصم ؟! ( الان نص راتب ) و فوقها 6 اشهر بنص ؟
يعني 14 شهر !! سنه و شهرين ؟!؟

مصرقعين ربعنا ؟ بنصير اقوي من الدول الاسكندنافيه مثلا ؟
شنو سنه ؟
منصجكم ؟
ندرب موظفه و تطس سنه ؟

لا تقولون ما تأخذ النص راتب ، الكل يأخذها الحين

بعدين يقولون ليش الوزارات ما تبي موظفات

لا و تبي حضانه بكل وزاره ...

احنا غرف زقاير مو لاقين يقولون لنا طلعوا برا دخنوا تبين غرف حضانه !!!
في ناس مو لاقيه مكاتب تبين غرف حضانه !!!

عاد اكو وزارات الله اكبر
يدش الياهل ما يطول 5 دقائق تسمم او سرطان

هناك 8 تعليقات:

كويــتي لايــعه كبــده يقول...

ادمج الإقتراحين

غرف حضانة "و" تدخين بنفس الوقت

من اللي يطفش الثاني؟

Enter-Q8 يقول...

لا و بتاخذ علاوة اطفال و علاوة زوجية يعني بالذمة مو اقتراح سعدون ابرك انها تاخذ 300 دينار و تقعد ببيتها ابرك

هالحـــــزة يقول...

والله المرا الكويتية لو تعطيها 1000 دينار وتقول لها انثبري قعدي في بيتكم وربي اعيالج ترد عليك : ابي اشتغل واصرف على نفسي عاد وخذ ياسطوانة مشروخه انت تضطهد المرأه و انت ضد التقدم وبطيخ مبسرم ومادري شنو ..

ما نقول الا الله يصلح الحال ...

ابوالوليد يقول...

هذا هو التكسب الشعبي
كلنا عندنا حريم وراح نستفيد من هالشي بس ضررها على الدولة أكبر نظرا لامتلاء الوزارات بالنساء

مااتوقع المجلس يوافق على هالقرار
بس راح تحسب نقطة لصالح د.معصومة عند الجنس اللطيف (النسرات)
:)

موظف حكومة يقول...

كويــتي لايــعه كبــده
خوش فكره

موظف حكومة يقول...

حاكي عقالي
رجاءا
اقترح سعدون تبذير و اقتراح معصومه ( الي وافقت عليه اسيل و رولا ) ممتاز

موظف حكومة يقول...

هالحـــــزة

بعدين تقول لك انا مراه تبيني لوقف طابور و اقعد مع الموظفيين الي اخر الدوام

موظف حكومة يقول...

ابوالوليد
عندنا اداره مع القوانين الحاليه اذ داوموا ربعهم نعمه

مع القوانين الجديده ماكوا احد