الأحد، 14 يونيو، 2009

انا اسمي مكتوب ؟

قاعد بالدوام كالعاده اقرأ الجرايد البلوشي
شفت صحيفه الدار

و فيها شفت شغله غريبه http://www.aldaronline.com/AlDar/AlDarPortal/UI/Article.aspx?ArticleID=58194


أكد النائب صالح الملا ان استجواب وزير الداخلية الشيخ جابر الخالد هو بر بقسم
وابراء لذمة بعض النواب. وقال في حوار مع «الدار» تنشر تفاصيله كاملة غدا


يالملا شلون ترضا انهم يقابلونك و اخر مره ناشر بيان انهم محرفين بكلامك
ولا ماكو زلم و السالفه ترزز بالجرايد ؟

و الشغله الثانيه الغريبه http://www.aldaronline.com/AlDar/AlDarPortal/UI/Article.aspx?ArticleID=58143

وتتمثل مشكلة الموظفين المعاقين الذين يعملون في مختلف وزارات الدولة، ان قرار
ديوان الخدمة المدنية الاخير الذي يلزم جميع الموظفين بعمل بصمة وذلك للحضور
والانصراف من العمل. ولا يخفى على رئيس الديوان ان مثل هذا القرار يعوق العمل
والحياة بالنسبة لنا فقد يلاقي بعض المعاقين او ذوي الاحتياجات الخاصة صعوبة في
اداء البصمة
من طول الانتظار او وجود اعاقة في الاصابع او بتر في اليدين او قصر
القامة
وما شابه ذلك من اعاقات تعوق الموظف عن اداء البصمة.


ممكن احد يفهني شلون اعاقه تمنع من البصمه ؟
اذا اليدين مبتورتين شنو يشتغل بالضبط ؟ اعاقه بالصبع ما تمنع من البصمه لانه في اصابع غيره
قصر القامه يمنع من البصمه ؟ ما ادري الاجهزه معلقينها علي ارتفاع 3 امتار
كل هذا لانهم ما يبون يداومون ؟ والله عيب

هناك تعليقان (2):

Enter-Q8 يقول...

هذا ولا شي انت بلاك ما شفت تصريح عسكر
اللي يقول ان قرار وزير المواصلات جاحف و ظالم لأن خله العمل للساعه 2.30 و طبق نظام البصمة

قسما بالله يوم طبقوا نظام البصمة شفنا اشكال عمرنا ما شفناها تدوام معانا بالمطار حتى استغربت قلت شنو هالزحمة قال هذول موظفين المواصلات

انا ضد نظام البصمة للي يشتغلون خارج مكاتبهم يعني المفتشين مثل مالت الهيئة اللي يطلعون بطراريد الدوريات
العسكريين اللي عملهم ميداني لأن فعلا اهو يالله ينطر رفيجه يبدله و وايد يتأخرون بره دوامهم
خو كافي الزحمة

دستور 1962 يقول...

البلاك لست اكبرت
الملا و الراشد و مرزوق و القلاف
وين التغيير اللي اذونا فيه ؟
قصدهم الحريم ؟ رولا ضد لجنة الظواهر و دشتها ، معصومة ضد تقاعد المرأة مبكراً و أسيل ضد الاستجواب و تالي معاه ، و سلوى مو عارفة ليش الاستجواب مو دستوري
http://majles2009.blogspot.com/