الأربعاء، 20 أغسطس، 2008

حرامى ! حرامى ! الى يحب النبى يضرب !



المصفاه الرابعه !
الشغل الشاغل للكويتيين
انا الصراحه ما ادرى نحتاجها او لا
بس الشعيبه كل شوى منفجر فيها شىء اتوقع صينت من زمان ( يا ليت واحد يقول متى انبنوا )




اولا ( حلوه اولا يعنى طالع فيها بقول نقاط )
شفيهم النواب كلمن نط السور و قال حرامى ؟
الصرحه لما نواب اول مره و كل واحد صاير لى رامبو
و يهدد انه يستجوب
تحس ان السالفه مالها سالفه
مجرد تسجيل موقف و ترزز
شكله اول يوم دام بالمجلس هواش عند علام الكندرى منو يسلم اول




ثانيا


لما السعدون يطلع و يقول انها سرقه و يلعب بالوقت الضايع ( اى ما تكلم عنها من قبل لا هو ولا مسلم البراك )
اهنى انا استغرب و اتعجب
شنو ما بين إلا الحين ؟
ما رفع نواف الفزيع قضيه ؟ شنو صار فيها ؟ مو قالوا ماكو شىء ؟
ليش لو كان فى شىء من قبل كان تحركوا و قدموا الاوراق يوم القضيه ؟
شنو السالفه حرام اللعب كفريق لازم كل واحد بروحه يطب سلايت ؟




ثالثا


ما صار ديوان محاسبه ؟


كل شوى محولين عليه شىء
الظاهر الطبيات و الاجازات تتحول عليه بعد ما تمر على ديوان الموظفين ( كأنهم يم بعض ؟ )
يا اخى شنو هالخرابيط بالديره
" اننا نثق بإجراءات ديوان المحاسبه "
ليش ملائكه يشتغلون اهناك و انا ما ادرى ؟




رابعا


انا الصراحه كاسرين خاطرى الاخوان ربع جمعيه الاصلاح
طبوا مع الصبيح خسروا و التحالف فاز
طبو مع نوريه خسروا و التحالف فاز
الحين يطبون مع العليم و يخسرون و التحالف يرد يفوز
صج مساكين

ولا احد يقول لى مع مصالحهم شنو الى بالمجلس الحين حاطيين نصب اعينهم مصلحه الكويت ؟


تعليق


عبداللطيف الدعيج طلع خليفه شارلك هولمز المحقق الفريد

اذا تبون تعرفون منو يمه ، هذا يكتب بالقبس و مقالاته معلوماتها بايخه مثل ويهه و كله حاط على تيار واحد بالكويت

هناك 8 تعليقات:

maqhor يقول...

اكيد تشتغل بالشؤون:P
اختلف معاك بالنقطة الرابعه
الاخونجية هالمره صافين مع التحالف بالدفاع عن العليم
التحالف شكلهم مستفيدين و الاخونجية لانه العليم منهم
بس تبي الصج
مادري من الصاج و منو الكاذب

EXzombie يقول...

شوف

تحس انه في شي غلط لما التحالف يسكتون عن مشروع بهالحجم، لازم فيه بوقة و لا منفعة اذا بنصير ذربين........!!!

موظف حكومة يقول...

مقهور
يعنى انت تبى تقول لى انه ما راح يقلبونها ان الاخوان ما يحافضون على المال العام و الصقر يفوز و كل كلامه ان سيحافظ على المال العام و الناخبين
مصدقينه

موظف حكومة يقول...

الزومبى السابق
الملا واحد من الرامبوات الجدد مهدد
مو من التحالف

Enter-Q8 يقول...

انا ابي اطق صج مو بالكلام علىقولة غلام اللي بدرب الزلق
يصير

اقوي شي الصورة الصراحة يبتها ريت

موظف حكومة يقول...

حاكى عقالى
صح لسانك
سوها تصميم :)

Enter-Q8 يقول...


مبارك عليك الشهر و كل عام و انت بخير

آهات وطن يقول...

تأسست شركة البترول الوطنية الكويتية شهر10/ 1960، بين الدولة والقطاع الخاص شراكة

وسنة 1968افتتحت الشركة مصفاة الشعيبة
وفي مايو من نفس العام صُدّرت أول شحنة من المنتجات


واعجبني كلامك كثير واسلوبك بعد

اما الاخوان سالفتهم سالفة