الميه غليت ولا لسه ؟

الجويهيل و الشيعه و الفضاله و الرفاعي

الصراحه انا رأيي الرفاعي ماله شغل الرجل مو بدأ اليوم يقول الي يقوله ، صار له فوق الـ 5 سنوات اذا مو اكثر
و اي واحد راح مقبره صليبيخات شافه اكثر من مره

الغير في الموضوع صرخه النواب الشيعه مع الكبير مالهم المطوع ، و الي يقول انه مو هو كبيرهم اقول له شوف تصريحاته هو الي يبدئ الموضوعات و الي وراه يطيرون فيها
الواحد ما وده يصير طائفي ، بس الدار و بعض الشيع صايرين يصعدون كل شوي
بعدين الرفاعي مستند علي احاديث و لا شفت احد يفندها ، بس شفت نياح ، لو علي التحلطم ترا نص الحسينيات معلق عليها " يالثارات الحسين " و الي اعرفه معاويه و عياله ماتوا من زمان ، يبون يثأرون من منو الحين ؟

الجويهيل انا مو صادمني إلا انه في ناس معجبون فيه ! و مصدقين كل شيء يقوله ، حتي مع كل الكذبات الي اثبت كذبها بس في ناس معجبه و مصدقه ، نفس الاهبل بالدوام الي زين الهيلا ما اجرموا فيه

الي الفضاله
انا ماني من ربعك و لا امون عليك
بس رساله اوجهها لك
الله يعينك علي الي بيحوشك ، و الله يصبرك عليه ، تري في ناس راح تضغط و تنصح و تقول لك نزل نفسك بالانتخابات اليايه
و تعطيك كلام مثل " لو قد كلامك انزل " و تبربس مثلها بس نصيحه لا تنزل
نزولك يخلي كل كلامك ( حق و باطل ) تكسب انتخابي ، نزولك و اي رقم تحصل عليه راح ينعكس علي كل كلامك

لسه ببتكلم ليــــــــــــه !!

والله هالديره الله يستر عليها
في الجريده

أكد دفاع رئيس مجلس الوزراء المحامي عماد السيف أنه 'لم يثبت حتى الآن وجود
شيك صادر من رئيس مجلس الوزراء إلى أي نائب حالي أو سابق في مجلس الأمة'.

ناصر الدويله في الوطن
وفي لقاء مع تلفزيون الوطن اكد النائب السابق ناصر الدويلة ان الشيك بالفعل يخصه هو

انا لو منه اطلع بيان رسمي و انهي عقدي و احترم نفسي
بس الديره ما فيها احترام و حشيمه و ترز الي ما ينرز
و عادي باكر يطلع و يقول انا احسن محامي
بعد المسخره الي شفتها بساحه الاراده مو ناقص إلايهوسون الله يخلي الريس

الباص ده رايح ليمان طره

و حاكي عقالي سكر المدونه
و الجاسم محجوز
المشكله اني ما اعرف اكتب لا بالطبخ و لا بالموضه
و الرياضه كلها سياسه
و التلفزيون كله سياسه
و الكتاب كله سياسه

التدوين صار شبهه

الله يستر علي الكويت

هو انت لسه جاي ؟

ما شاء الله ما شاء
شوف النشاط و الحركه

جزاه الله العضو فيصل المسلم الي خلي الوزير يتحرك
http://www.alaan.cc/pagedetails.asp?nid=42313&cid=30

اعلن ديوان سمو الشيخ ناصر المحمد الاحمد الصباح رئيس مجلس الوزراء اليوم انه سيقيم
معرض متحف السيارات التاريخية والقديمة والتقليدية خلال شهر ديسمبر المقبل.وقال
الديوان في بيان صحافي ان المعرض الذي سيقام في نادي الفتيات سابقا بجوار النادي
العلمي الكويتي سيضم جميع فئات السيارات التي عاصرت الكويت والسيارات ذات الارتباط
بالاحداث التي مرت بتاريخ دولة الكويت واخرى ذات صبغة تاريخية عالمية.

ما تمشون إلا بتخروعه ؟

دقي يا مزيكا

خبر طيب قرأته اليوم

يحتفل الشاعرالشيخ دعيج الخليفة بمرور 75 عام علي اكتشاف النفط الكويتي علي طريقته
الخاصة حيث يستعد لتصوير قصيدة من الشعر بطريقة الفديو كليب بصوته سيتم توزيعها علي
القنوات الفضائية بهذه المناسبة

و من مصادرنا الخاصه طلعنا القصيده ( حصريا )

هذي الكويت ديرتنا الحبيبه و طلع فيها نفط

اشوه جدانا هاجروا حق ارض تحتها نفط

والبريطانيين حفروا و طلعوا النفط

نترس سيارتنا بنزين نصفيه من النفط

ماكو ارخص من بنزينا علشان احنا نصدر النفط

بس السعدون مؤزم و وقف مصفاه رابعه للنفط

ماخلا الناس تترزق ربها من هذا النفط



رجاءا اذا اي احد يبي يعيد نشرها يذكر من حطها اول

الولاد راحوا في طوكر

شفيهم المدونيين قاموا يختفون فجأه ؟



مقهور ( وراء الكواليس ) اختفي فجأة و انشالت المدونه بعد ما حط صورة لمسئول في الداخليه

ازيولاك ( از يو لايك ) اختفي فجأة و صارت مدونته مقفوله

زومبي سابق ( زومبى سابق ) ما تطلع مدونته



شالسالفه ؟ من الوطن و الدار بدت تغطي المدونات اشوف الزينيين يختفون ؟

ليه ما تروح هناك ؟

الاخ اللطيف عاب ( اختصار )
كاتب اليوم يمدح بالبنغلاديشيين و يقول كلام مثل

بعنصريته غير المقبولة تجاه جنسية تضم اكثر من مائة مليون مخلوق بشري منسوب لهم
إنجازات، لم يقم بعُشرها 300 مليون عربي متبجح بأصله وفصله، وبأنه من خير أمة أخرجت
للناس!

هذه هي بعض من إنجازات بني بنغال للعالمية جمعاء.. فما هي إنجازاتك يا كويتي (أو
خليجي) متبجح شاتم للبنغال؟

و اقول له و لكل اهبل يفكر مثله
هذول ما بدعوا في بنغلاديش و لا حتي انولدوا فيها
الاصل ماله سالفه و مافي احد يعتد فيه
اذا اي واحد منهم فاز بنوبل ما يقولون بنغلاديش ، يقولون ديرته الي انولد او يحمل جنسيتها

بعدين خير امه مو احنا الي قلناها
الله عز و جل قالها إلا اذا كان كتاب الله مو عاجبك ( مو بعيد عليك )

كُنْتُمْ خَيْرَ أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُوفِ
وَتَنْهَوْنَ عَنِ الْمُنْكَرِ وَتُؤْمِنُونَ بِاللَّهِ

الاسراء 110

لا و الحبيب يقول 300 مليون ما طلع منهم شيء
و انت بتلعب لي سالفه الاصل و الفصل

ترا الي اصلهم عرب ما يخلصون ، بس ما نتفاخر فيهم لانهم ما ابدعوا عندنا ولا اسهلها اقولك احمد زويل و مجدي يعقوب و اللبناني الي اخترع الايبود و غيره وايد


في سالفه ثانيه
اذا وزير الداخليه يقول انه ما رد علي البراك لانه الرأي القانوني يقول انه ما يرد شفيه رد علي اسيل ؟ ولا علشان معجب ؟
و اذا الرد مافيه شيء و علي قولته راد علي الباقي شفيه ما رد علي البراك ؟
بتحطو نفسكم في مواقف بايخه

الست مش حاتيجي الشغل النهارده

و لا باكر و لا بعده و لا السنه القادمه اذا الخبلات مشو قوانينهم

من جريده الجريده

أكدت النائبة د. معصومة المبارك أن لجنة شؤون المرأة والطفل البرلمانية وافقت في اجتماعها أمس على زيادة أيام إجازة الوضع إلى 70 يوماً، إضافة إلى منحها إجازة إضافية لمدة 4 أشهر براتب كامل، مشيرة إلى أن الموظفة لها الحق في طلب 6 أشهر أخرى بنصف راتب.

70 يوم ؟ يعني شهرين و 10 ايام ، و يخلون الامومه بلا خصم ؟! ( الان نص راتب ) و فوقها 6 اشهر بنص ؟
يعني 14 شهر !! سنه و شهرين ؟!؟

مصرقعين ربعنا ؟ بنصير اقوي من الدول الاسكندنافيه مثلا ؟
شنو سنه ؟
منصجكم ؟
ندرب موظفه و تطس سنه ؟

لا تقولون ما تأخذ النص راتب ، الكل يأخذها الحين

بعدين يقولون ليش الوزارات ما تبي موظفات

لا و تبي حضانه بكل وزاره ...

احنا غرف زقاير مو لاقين يقولون لنا طلعوا برا دخنوا تبين غرف حضانه !!!
في ناس مو لاقيه مكاتب تبين غرف حضانه !!!

عاد اكو وزارات الله اكبر
يدش الياهل ما يطول 5 دقائق تسمم او سرطان

الواد ده ساحر يا جماعه !

شيء ما يصدق و لا يدخل العقل و لا المنطق و ماله تفسير

لجنه الظواهر السلبيه و هايف

كل سلبيات اللجنه مثبته علي هايف من وجهه نظر بعض الاشخاص و الجرايد
مثلا جريده الجريده العنوان الرئيسي

الظواهر السلبية تفرض قيودها على المجتمع الكويتي وتقر ضوابط هايف للمقاهي والمطاعم و المايوه النسائي

يوم قرأته استغربت ، من كأن اللجنه رئيسها و مقررها شيعه و قالوا بغيرون اسلوب اللجنه و ماراح يسوون الي كان يسويه هايف
و الناس هيه هيه و طايحه له شماته بهايف و مستانسه انه ماراح يمشي شغله مثل اول

شلون مشت و وافقوا علي ضوابط هايف ؟

كملت الخبر و انصدمت

واستندت مقررة اللجنة النائبة رولا دشتي في تأكيداتها على أن عملية التصويت التي
تمت على الاقتراحين المقدمين من النائب محمد هايف امس غير قانونية، الى عدم اكتمال
النصاب في الاجتماع خلال التصويت، مشيرة الى أنها غادرت قاعة اللجنة قبل التصويت
'ولم يشارك في التصويت سوى رئيس اللجنة وعضوها النائب حسن جوهر، وبذلك يكون النصاب
غير مكتمل ولا أثر للقرارات المتخذة'

رئيس اللجنه الدويسان
و حسن جوهر

يعني حتي هايف ما صوت علي مقترحاته

بعدين شكو مغادره القاعه قبل التصويت ؟ داشه اللجنه علشان تغادرين بسلامتك ؟

لا و الحلو الثاني خربها

وفي حين أعرب النائب صالح الملا عن تقديره لدور رئيس وأعضاء لجنة الظواهر السلبية

ياروح امك ترا الي صوت علي القرار الرئيس و عضو غير هايف

انا ابي رجل يطب بالاعضاء الي صوتوا للقانون ، طبعا ادري خاموووووووووووش
بس بيطبون بهايف كالعاده

زي القرع يمد لبره

إلا هذا خبر ؟
افتح القبس و الاقيهم حاطين

"الخدمات الصحية متخلفة.. والمطلوب تغيير جذري"

احلف ؟ قول والله ؟ ما ادري شكثر معطينك فلوس ( شكلها ملايين ) علشان تقول لنا الخدمات الصحيه مو شىء ؟
هل احنا ما نعرف ؟

صج عنز الفريج ما تحب إلا التيس الغريب

ايه الفزوره دي

عندي لكم فزورتين
و خل نشوف منو يقدر يحلهم

الفزوره الاولي

عاب ( اختصار لإسم كاتب بالقبس )
كاتب هالجمله

الحلقة الرابعة من البرنامج الكوميدي الشيق «صوتك وصل»

بعدها بكم فقره

أخطر ما عرض في تلك الحلقة هو امساك مثل هذه الحركات بتلابيب مؤسسات رسمية خيرية
كويتية

و الفزوره
شلون برنامج كوميدي تستمد منه حقائق لا جدال فيها ؟


الفزوه الثانيه

بيت التمويل الكويتي
الامانه العامه للأوقاف

لو تسأل كل كتاب الليبراليين راح يتفقون علي شيء واحد

ان الاخونجيه يسيطرون عليهم

انزين

طلال السعيد بقناه سكوب ما عنده إلا الاخونجيه و طاب و لاعن خيرهم

انزين

شركة الخدمات العامة

بيت التمويل الكويتي يملك 80 بالمائة و الأمانة العامة للأوقاف الكويتية 20 بالمائة
( من موقع الشركه )
http://www.psc.com.kw/arabic/overview.php

منو رئيس مجلس إداره الشركه ؟

طلال عثمان مزعل السعيد

( من موقع غرفه التجاره )

و الفزوره
شلون يطب فيهم وهم رازينه ؟

العيد هل هلاله

من مصدر واصل

اذا كمل رمضان 30 يوم
معناه الاحد يصير يوم 30 من رمضان
و يوم 30 رمضان راحه

العيد يصير الاثنين
و إجازه العيد 3 ايام

الاثنين و الثلاثاء و الاربعاء

الخميسيطيح بين عطلتين العيد و الجمعه فيصير عطله

و نعطل الاسبوع كله !!

الحين التراويح كلها دعوات علشان نكمل رمضان

حق الاجر

ايه القرف دا

خسنا من مشرف خيس الله المسئولين

وصلنا مرحه اللاحل الظاهر

تسأل شصار علي انفلونزا الخنازير
يقول لك وزير الصحه
كله تمام و الامصال موجوده
هذا و العالم يقولون ما طلع مصل للحين بس ما شاء الله ساحر وزيرنا
و يقول كل هذا و كل اسبوع 100 حاله تصاب و واحد يموت

تسأل شصار علي مشاريع الدوله ؟
يقول لك وزير الاشغال
كله تمام و المشاريع ماشيه
و تخرب محطه مشرف و ملعب ما ينلعب يه و تهباب

تسأل شصار علي الامن ؟
يقول لك وزير الداخليه
الامن مستتب
و تطلع الخليه الارهابيه مخططه و بتبدأ و ربعنا اخر من يعلم
و المرأه الي اعترفت اول مره تقول تحت الإكراه ، و الوزراء كلهم ادانوها و فرحوا فيها

و تسأل و تسأل و ما تخلص
و ما ادري متي بنخلص

دوله تدوس علي علمنا
و احنا نشاركها احتفالاتها

و يقولون ليش ملطشه الكويتين

و دي اقول ليش مشاركين بس الي قاللي السبب يزعل ان انتشر

منك لله !

عظم الله اجر شهداء الحريق

من حظ الحكومه طلع بفعل فاعل ، الحين الكل يطلع منها مع ان الكل غلطان

ودي اعرف

الشيخ الله يطول بعمره يأمر بفرق طبيه
الشيخ الله يطول بعمره ما يستقبل المهنئين تعاطفا
الشيخ الله يطول بعمره يجمع مجلس الوزراء استثنائيا

و الحين الشيخ الله يطول بعمره

وقالت المصادر ان سمو الأمير سيلتقي رؤساء تحرير الصحف ورؤساء المؤسسات
الإعلامية، لإيقاف كل ما من شأنه أن
يمس بالوحدة الوطنية. وأعطى سموه توجيهاته
لوزارة الإعلام لمراقبة كل ما يجري من تجاوز على
الثوابت الوطنية

مو عيب ؟ الشيخ ما قصر سوا و سوا بس هذا المفروض كله يسويه رئيس مجلس الوزراء ، هذا كأنه وكيل وزاره يستلم معاملات
بس مو منه ، من الي مقصر و مو مسوي شغله ، تبون تعرفون منو ؟

وكان سمو الأمير ترأس اجتماعا استثنائيا لمجلس الوزراء أمس في ديوان سموه بقصر
السيف حضره سمو ولي العهد الشيخ نواف الأحمد ورئيس مجلس الأمة بالإنابة عبدالله
الرومي ووزير شؤون الديوان الأميري الشيخ ناصر الصباح

منو الي مو موجود ؟ هذا الملام الاول

عظمه علي عظمه يا ست

الكاتب الفذلكي الممتع محمد الوشيحي

كاتب مقاله مدح مدح بعبداللطيف الدعيج ما يكتب مثلها بالرسول عليه الصلاه و السلام
يعني مثل هذا الفقره

ولم يؤلمني شيء بقدر ما آلمني شتائم بعض المدونين لأبي راكان، عبداللطيف الدعيج،
قبل أسابيع. وللأمانة، تصدّى مدونون آخرون لزملائهم وذكّروهم بأنهم يتحدثون عن
الدعيج، وهو مَن لا يجوز شتمه

شنو لا يجوز شتمه ؟ اذا هو ما يجوز شتمه عيل شلون يشتم بالناس ؟

وغداً نواصل الحديث لنرى كيف نرد جزءاً من الجميل إلى هذين العظيمين، من خلال
جائزتين سنويتين تحملان اسميهما، مخصصتين للشباب، واحدة لكتاب المقالات والأخرى
للمدونين

جائزه بإسم الدعيج ؟ العنصري ؟ الي كل يوم يصنف المدونات علي مزاج ابوه ؟
يوم شيعه و يوم وطنيين لا و ايام يقطنا بإسطبل ( او ياخور يمكن ما يعرف شنو اسطبل الوشيحي )

يامحمد اترك عنك العنصريين ، و لا تربط الدعيج بالمدونات رحم الله والديك

الحلو الصراف كاتب موضوع كالعاده عن المتدينين
و اتحدي اذا ما دخل الفقره التاليه قصبا عنه

كما يوجد ما يشابه هؤلاء لدى طوائف الشيعة

يلعن ام الترقيع ، ما شاء الله سطر 5 اسماء سنه و بالقوه حط اسم شيعي
ما شاء الله ما شاء الله

بص الكلام ده ما يجوزش

القبس داقه الصدر و مسويه نفسها مثال و حاطه كلام كبير

تعتذر «القبس» عن عدم نشر أي تصريحات أو مقالات تتضمن تحريضا أو اثارة طائفية تجاه
أي طرف كان.كما تعتذر عن عدم نشر كل ما يفهم منه سخرية من جنس أو عرق أو قومية،
حرصا على الثوابت الوطنية التي كفلها الدستور للمواطنين جميعا من دون تفرقة.

منو كاتب المقالات الغير موجود اليوم ؟و صار له مده مو كاتب شيء

حبيب الوتنين عبداللطيف الدعيج
اخر مقاله بتاريخ 4 / 8 و لا شيء وراها و لا قال انه بيوقف

بس الصراحه القبس عجيبه
كاتبه انها ما راح تحط شيء تحريض طائفي و الاخ الظريف الصراف للحين موجود
والي كل مقالاته داش دعوم بالسنه
و اليوم داش بالنقاب ، لا تقولون النقاب مو خاص بالسنه لاني ما شفت شيعيه منقبه

ده بيتي و يقول بيته

هاليوم قبل 19 سنه كان شيء ما ينسي

ما انسي هاليوم ابدا

شلون انسي امي الله يطول بعمرها و هي تقعدني من النوم و تقول لي

قوم قوم العراقيين دشو الكويت

و انا اقول لها

شنو ؟ ليش ؟ شنو يصير الحين

و هي ترد

شفت الفلسطينين شلون لما دشو عليهم الاسرائيلين و اخذو فلسطين و من يومها ما عندهم ديره ؟ صرنا نفسهم

و تطقني البوه
و التدوده و التثول و عيال عمهم و خالتهم و كل نسبائهم



شلون انسي

تشمت الفلسطينيين و المصريين و السوريين علينا

شلون انسي

ديرتي انباقت

شلون انسي


شلون ؟ شلون ؟ شلون ؟ كل سنه نفس السؤال
و كل سنه نفس الجواب

انت ما تنسي ، بس غيرك يبي الفكه منك و من اشكالك الي ما تنسي

كرسي بالكلوب !

الظاهر هذا الي قاعد يسويه عبداللطيف الدعيج بمقالاته التافهه
و هو قاعد يلعب احسن دور خدمه لأحمد الفهد

يلهي الناس عن المهم
قوانين الرياضه حلها سهل وايد وايد وايد
مو خمسه ؟ الي يبيهم يأخذهم مع بعض
الي ما يبي واحد ينشالون منه
و يتكنسل الدعم

سهالات

عموما خوش شيء الحكومه طلعت ملطشه
حتي العرافيين يتطنزون

واكد الدباغ 'بان العراق غير مستعد لان يدفع ثمن اخطاء الماضي مرتين، مشيرا الى ان
الحكومة تدرك بشكل كامل ان مواقف امير الكويت ورئيس وزرائها مساندة للعراق، وان مايصدر بين الحين والاخر لا يعد مواقف رسمية'.

يعني تصريح وزير الخارجيه عن الباب السابع
مو رسمي

يعني كلامكم مال مجلس الامه
خله يولي

و انت يالكويتيين

تولون

افهمني بقا ، انا مش عايزك

عجيب اصرار عبداللطيف الدعيج علي التلصق بكل واحد يسمس نفسه قوي وطنيه

لماذا كان هذا القصف العنيف على صالح الملا وعادل الصرعاوي وعلي الراشد ومرزوق
الغانم وعبد الرحمن العنجري.. وهم من هم؟ هذا ما شغل بالي طوال الاسابيع الماضية
وانا ألاحظ واحصي الحملة المسعورة في الصحف وفي المدونات «الناشئة» ضد القوى
الوطنية. بالمناسبة المدونات التقليدية او مدونات نبيها خمس بالكاد تناولت موضوع
الاستجواب بشكل عام.

شغل بالك ؟ يا سلامه بالك ، ما كأنك مدافع بقوه عن الوزير و بعدين غير الموضوع و تسفل بنفس الحكومه الي دافعت عنها

بعدين شنو مدونات تقليديه ؟ اترك عندك المدونات ، انت جرايد و بالياله ماشي و تكتب فيها
لانه انت مقسم المدونات علي اسس طائفييه http://muwathaf.blogspot.com/2008/08/blog-post_18.html

ولدنا عاب ( اختصار ) عبقري الصراحه

السؤال الذي وجهه العضو فيصل المسلم لوزير الداخلية حول ما اسماه بزيادة مخصصات المصاريف السرية يندرج في نظري تحت يافطة التدخل النيابي الفظ في مقدرات الدولة ومؤسساتها، فالنواب نسوا ادوارهم التشريعية والرقابية والتنموية

شلون تدخل فج و انت كاتب رقابي
شنو متناقض ، كل هذا كرها بالريال
لا و التدوده موصل حده

وهذا البند تم اعتماده سنويا من قبل وزارة التربية ضمن الاطر القانونية

وزاره التربيه تعتمد بند بالداخليه ؟ شنو هالخمبقه !! قام يقط خيط و خيط ولدنا


الله يازمن الدنيا وصلت مواصيل
قبل تسفل بالوزير لانه مسك ربعهم بالتأبين الحين بعد ما الحكومه دزتهم و رزتهم صار حبيب الملايين

بلير بعد ما اخذ المقسوم شنو قال ؟
بند الرواتب كبير
امحق استشاره
شنو ما يدرون الجماعه ؟

ولا شنو فرق الي قاله عن

مازلت اذكر في عام 1969 عندما كنت اعمل لدى المرحوم سمو الشيخ جابر الأحمد كرم الله ثراه، انه كان يرى ان الباب الثاني في الميزانية، وهو بند الرواتب يستنفد جانبا كبيرا من الميزانية، ومازلت اذكر انه امر بتشكيل لجنة برئاسة رئيس البنك الدولي في تلك الفترة يوجين بلاك لوضع دراسة لكويت المستقبل، وتنويع مصادر الدخل وايجاد فرص لتوظيف الكويتيين في القطاع الخاص للتخفيف من التكدس مستقبلا في القطاع الحكومي، وتخفيف بند الرواتب في الميزانية.

صج خيبه
بس دراسات ورا دراسات ، تارسه مو ادراج و لا غرف مباني

بس ملاحظه للمساكين الي يأملون خير بالتحالف الوطني و باقي شله حسب الله و النائبات
لا تتوقعون منهم شيء
كلهم يعرفون الصج ، لوما الحكومه ما شموه ، بلا خرابيط " احسنا الاختيار " و " سمعنا كلمه صاحب السمو "
لانكم تقصون علي عمركم

ازاي كده !

من جريده الدار :

نفى الفنان الكويتي محمد الصيرفي وجود فبركة في برنامجه الكاميرا الخفية «أصانصيد»، مشيرا إلى أن المقطع الذي تم تسريبه على اليوتيوب، والذي بدا فيه الضحايا المفترضون يعلمون مسبقًا بالواقعة، ليس إلا بروفة، وأبدى الفنان الكويتي انزعاجه الشديد من المقطع الذي تداولته المواقع الإلكترونية، وتناولته بعض الصحف والمواقع الإعلامية الأسبوع الماضي، نقلا عن موقع اليوتيوب الشهير. ويظهر فيه الصيرفي وهو يوجه الفنانة الكويتية مونيا ويطالبها بالبكاء وذرف الدموع أثناء تصويره أحد برامج الكاميرا الخفية،




وأضاف «ساءني جدا استغلال هذا المقطع بغرض تشويه صورتي والإساءة لي بشكل مباشر من قبل بعض الصحفيين، الذين نسفوا كل تاريخي من أجل مقطع لم يتبينوا حقيقته،
----------------------------

بعد ما قراته بكيت
صج ما نستحي
شلون نغلط علي الصيرفي و تاريخه ؟

شلون نسينا انه اول ممثل كويتي فاز بالبافتا

شلون ما نذكر اكتساحه جوائز الايمي

شلون نسينا يوم فرح الكويت و ياب الاوسكار



شلون نسيناه ؟ لانه عمره ما صار
ماخذ مقلب في نفسه
اقصاه ممثل برامج دقات بايخه في اودم ابيخ

انا اسمي مكتوب ؟

قاعد بالدوام كالعاده اقرأ الجرايد البلوشي
شفت صحيفه الدار

و فيها شفت شغله غريبه http://www.aldaronline.com/AlDar/AlDarPortal/UI/Article.aspx?ArticleID=58194

أكد النائب صالح الملا ان استجواب وزير الداخلية الشيخ جابر الخالد هو بر بقسم
وابراء لذمة بعض النواب. وقال في حوار مع «الدار» تنشر تفاصيله كاملة غدا

يالملا شلون ترضا انهم يقابلونك و اخر مره ناشر بيان انهم محرفين بكلامك
ولا ماكو زلم و السالفه ترزز بالجرايد ؟

و الشغله الثانيه الغريبه http://www.aldaronline.com/AlDar/AlDarPortal/UI/Article.aspx?ArticleID=58143

وتتمثل مشكلة الموظفين المعاقين الذين يعملون في مختلف وزارات الدولة، ان قرار
ديوان الخدمة المدنية الاخير الذي يلزم جميع الموظفين بعمل بصمة وذلك للحضور
والانصراف من العمل. ولا يخفى على رئيس الديوان ان مثل هذا القرار يعوق العمل
والحياة بالنسبة لنا فقد يلاقي بعض المعاقين او ذوي الاحتياجات الخاصة صعوبة في
اداء البصمة من طول الانتظار او وجود اعاقة في الاصابع او بتر في اليدين او قصر
القامة وما شابه ذلك من اعاقات تعوق الموظف عن اداء البصمة.

ممكن احد يفهني شلون اعاقه تمنع من البصمه ؟
اذا اليدين مبتورتين شنو يشتغل بالضبط ؟ اعاقه بالصبع ما تمنع من البصمه لانه في اصابع غيره
قصر القامه يمنع من البصمه ؟ ما ادري الاجهزه معلقينها علي ارتفاع 3 امتار
كل هذا لانهم ما يبون يداومون ؟ والله عيب

القرع لما استوي قال للخيار يا لوبيا

عجيبه مهاجمين البراك علي استجوابه

الهجمات عجيبه غريبه

منها الحلو الملا يقول مو دستوري ؟
مو الصقر و المسلم استجوبوا وزير النفط علي صور موظفيين في النفط ؟ و الصور ما كانت في عهده بس تحاسب عليها و لا احد تكلم
بعدين شنوا ما يحاسب علي شغل وزارات سابقه ؟ عيل ليش سنين لجيتونا بعلي الخليفه ؟ مو وزاره سابقه ؟ و حاسبتوه بعد ما طلع ؟ شنو هالمسخره

بعدين الي يقول ليش ما يستجوبه علي الانتخابات الفرعيه هو شكو ؟ ليش ما احد الابطال الليبراليين ( لان الفرعيات ما تطلع إلا اسلاميين علي كلام مدونه ام صده ) يطرح استجواب فيها ؟

و في موضوع الكاميرات
الكل يقول عادي
ما عليكم امر كل من يقول عادي يعطيني عنوان بيتهم بأركب كاميرات عندهم
ولا يقول ان بريطانيا مركبه مليون كاميرا
الناس محتجه عليها و الكاميرات ما تسوي شىء
الكاميرات مركبه و تفجرت القطارات و ماتوا الناس

صج ناس ماعنده سالفه

جسوم اي ده يا جسوم

مجلس الامه بتاعي يا صفيه

مع الاسف سيعود من جديد


ليش ؟


لانه مافي غيره


مافي في هالبلد إلا هالولد


و الحكومه تبي توريهم العين الحمرا


حتي من الخرعه محد رشح حق الرئيس


و نائب الرئيس زحمه مو طبيعيه





ودنا نقول

بس مع الاسف الحكومه مو في بالها حسن الاختيار و الخرابيط هذي

تبي عمرها

انا مش حقول حاجة

الوطن 7-5-2009

الدكتورة أسيل تريد التحقيق مع مجموعة من طالبات مقرر الأخلاق والمجتمع الحديث
ويحمل رقم 0360/108 الذي تدرسه

الرأي 7-5-2009

وحول شريط «اليوتيوب» المتعلق بمادة التحفيز الفكري اوضحت انه لا يجوز التسجيل لاي
استاذ بغير عمله واذنه وانه في حال وافق لا يجوز تداول الشريط خارج الدرس

و لا شيء في صحيفة البيان الرسمي للمرشحة

يا خرابي ، فكر مين يا احمدين

شغلتنا الانتخابات و القرار الحلمنتشاني للمدير مانع الانترنت بالدوام ، ما اقدر اطول وايد لانة هذا دوري بالايجو

شكلهم الجماعة ما يهمهم الراي و التفكير

الراشد يقول للميع نعين و نعاون

و الخطيب يشرف المعيوف

و الخطيب علي قولتهم سووا لنا صيحة انه حضر مقر الملا و معناة انه يباركله ( البابا مو الخطيب )

الحين الخطيب حاضر مقر المعيوف معناة يبارك للمعيوف و الكلام علي المعيوف مو شوي

فهل معناة فكر باح ؟

الحين اسيل بترفع قضية علي من اساء لها

من كأن في ناس قالوا هذا فشل في الرد من الصانع يوم سواها السنة الي فاتت ؟

ولا من شاف و لا من درى

مو كأنة واحد راح القدس و مترزز هناك ؟

هذا و جوازاتنا اول يكتبون فيها كل الدول ما عادا اسرائيل

http://www.alanba.com.kw/AbsoluteNMNEW/templates/?a=45982&z=14

حسب الي اعرفة ان الحدود تحت السيطرة الاسرائيلية و هم الي يوافقون او يرفضون

بعدين انت مو اي واحد
انت رئيس جهاز الامن الوطني و ولد اخو الامير
و احنا للحين في حالة حرب مع اسرائيل

هذا اكبر محظور و يعتبر تعريص للامن الكويتي
مدير الـ CIA ما يروح ايران و امريكا مو معلنه الحرب لانة يعرض امنهم القومي للخطر

الحين لو موقفينة علي الحدود و قاطينة بنظاره
شنهبب ؟!؟

قالو للحرامي احلف قال جاك الفرج

واحد من المدونيين الثقة ارسل لي تقرير مسرب مال ديوان المحاسبة
ماني قايل اسمة لانيي ما استأذنتة

صراحة التقرير عجيب غريب
و متروس بلاوي

منها
جهاز دي في دي 652 دينار

بس الاعجب و الاغرب و الي صراحة مخليها فلم عصابات مال اول

مكينة عد فلوس
مو وحدة بس ! بند 161 و بند 112
مكينتين !! انا واحدة مو بالع شيسوون فيها حاطين ثنتين ؟
اشكرة !!

واحد من الشباب يقول مسج من كويت نيوز يقول ان الركيبي اعترف ان في شيكات حق النواب علشان يساعدون اسر متعففة
ربع الحكومة مقاريد يدافعون بإستبسال و اخرتها الحارس يدخل جول علي نفسة

الواد دة مسكين

رئيس الوزراء مسكين ما قام يعرف منو طقاقة

سؤال برىء
هايف ما يمثل إلا نفسة ، اعتبار الاسلامين كتلة هو تخمين ساذج ( عجيب و انا اكتب عربي فصيح ) لان في اكثر من مرة
ما يصوتون مع بعض
فشفية انهارت كل المقاومات امامه

اليوم بالفبس الحلو عاب ( اختصار ) كاتب و محتج شلون احد يتجرأ و يكتب عن سعود الصباح و بنتة
بنت سعود شهدت امام الكونجرس الامريكي و في وايد ناس قالوا انها ما صدقت او بالغت و منهم كويتين
حتي لو نبحث في العم جوجل يعطنا ناس مثل الزومبي السابق
http://exzombiesm.com/2006/03/who-hell-is-nayirah.html

كاتب عنها من زمان ولا عمرة الشيخ رد عليها رد يصدق
ما فيها شىء ، ولا بنعتبر الزومبي السابق خائن للوطن و نحرقة مع الحركة الدستورية ؟

ما احب علق وايد علي مدونات ثانية بس مرات الجماعة يورنك جهل و تخلف وايد صعب
مثل الحلو بوفتين
كاتبلي موضوع http://bof-10.blogspot.com/2009/02/blog-post_27.html

عموما ... ما اوصيكم ...الدبكه الدبكه ....تراها حلال ....بس النشيد الوطني لا حرام
ومايصير توقفله للأحترام !!

الصراحة انت مو منخدع إلا ماعندك سالفة و ساقط سياسة
ما وقف للعلم = محمد هايف المطيرى =الامين العام لدفاع عن ثوابت الامه = محسوب علي السلف
كان بالدبكة = ناصر الصانع = الحركة الدستورية

محمد هايف لا ينتمي للحركة الدستورية
اذا هنا محاولة ساذجة للربط بين اشياء مالها سالفة كعادة الوتنيين

دول مساكين ادعليلهم

في الايام الي فاتت تحلطم علي نادى الاستقلال
مو حجى بو خضور محسوب علي القوى الوطنية ؟ مو كان وزير الشؤون ؟ ليش ما صار شىء يومها ؟

بعدين درينا ودكم تردون نادى الاستقلال بس الي قاعد يصير عيب و اكبر عيب
شنو ها التظنز علي المعاقين
من القبس

بعد سحب ترخيص نادي الاستقلال حولت الحكومة مقر النادي الذي كان محطة لكل زائر رسمي
إلى الكويت إلى مقر لنادي المعاقين.ولم تخف مصادر متابعة من أن تكون خطوة الحكومة
هذه تأتي في اطار «إذلال» النادي

ليش ذل ؟ هل تمشى المعاقيين في المقر ذل ؟ حمد الجوعان ما يخلونة يدش مقر التحالف ؟
و من القبس مرة ثانية

ورغم أن الحديث عن نادي الاستقلال أو السياسة عامة أشبه بالحديث عن العلوم
الخارقة للطبيعة بالنسبة لذوي الاحتياجات الخاصة

عيب ، في دواوين ما يواطنون السياسة و لا يحبون يتكلمون فيها ، و في دواوين ما يفهمون السياسة

و من الجريدة مقال علي خاجة

ولم تكتف بذلك بل قامت، وبطريقة قراقوشية، بحرق مكتبته، وتم تحويل مقره بطريقة
أعتقد أنها متعمدة إلى ناد للمعاقين والموجود في حولي!!

ممتاز
صار المعاقيين مهانة و مو مشكلة تتطنز عليهم ؟ ما ودى ادعي عليهم بإعاقة ، بس اللة يحاسبهم

هو انت لسة جاي ؟

ما شاء الله علينا بالكويت
الذاكرة مش و لا بد و سهالات الواحد يصير بطل بعيون بعض الناس ، كلها صرخة مالها سالفة
اخر بطل هي اخت الشهيد
مدونين و كتاب صحف فرحانيين بالي سوتة انها دشت عرض في تجمهر و تحلطمت

يا اخت الشهيد وينك من زمان ؟
وينك يوم ردينا العلاقات مع الاردن ما هزيت الغترة ؟
وينك يوم ردينا العلاقات مع اليمن ما هزيت الغترة ؟
وينك يوم ردينا العلاقات مع السودان ما هزيت الغترة ؟
وينك يوم ردينا العلاقات مع تونس ما هزيت الغترة ؟
وينك يوم ما عطينا الاردن قرض ما هزيت الغترة ؟
وينك يوم ما عطينا تونس قرض ما هزيت الغترة ؟
وينك يوم ما عطينا السودان قرض ما هزيت الغترة ؟
وينك يوم ما عطينا اليمن قرض ما هزيت الغترة ؟
وينك يوم ودينا طلبة الاردن ما هزيت الغترة ؟
وينك يوم طلبة بالاردن يستقوون بحكومة الاردن علي اتحاد الطلبة الكويتي ما هزيت الغترة ؟
وينك يوم ما استقبلنا فتح كلها ما هزيت الغترة ؟
وينك يوم عطينا فتح فلوس ما هزيت الغترة ؟
وينك يوم استقبلنا ابو مازن و رئاستة انتهت ما هزيت الغترة ؟
وينك و كل سنة يسوون حفلات و رقص و طقطقة ما هزيت الغترة ؟
وينك و الحكومة تتبرع حق امريكان ما هزيت الغترة ؟
وينك و الحكومة تتبرع حق العراق ما هزيت الغترة ؟
وينك و الحكومة تتبرع حق الاعاصير في شرق اسيا ما هزيت الغترة ؟
وينك لما الناس تتبرع للعراق و كربلاء ما هزيت الغترة ؟


بس الحين طلعتي ؟ يا شين الافلام و يا حسافة علي الناس الي تتعلق بأي شىء ....

بص يا ابني دا مش خبر دا شغل بقر

اليوم فتحت جريدة الوطن
علي الصفحة الاولي لقيت

تعليمـات عليا مـن «حمـاس» لـلانتقــام مـن فـؤاد الهـاشـم!

قلت يا ساتر سترك ، صارت بالكويت
يوم قرأت الخبر يقولك يبرفع قضية


احلف !
لبش جريدة الوطن ما عندها سالفة ؟
او انهم يبون يأثرون علي القضاء بأنهم يصورونها على انها انتقام و ان القاضي لو لقى الحق لخالد مشعل
فإنة بهذا يضر الكويت و مو وطني و قتل فؤاد الهاشم

بعدين شنو صاير بالديرة ؟ اشوف ناس طايحين له تخوين بالعالم لانهم تظاهروا مع حماس
ليش حلال علي ناس حرام علي غيرهم ؟
الخطيب اول يقود المظاهرات كل يوم و ناس قاتلت برا الكويت محد خونها
شنو هالعقلية الى صايره هال الايام ؟

الحين الداخلية مسوين المباحث الإلكترونية و مستانسين وايد عليها
عسي ما يفتشون علي الهويات قبل ما تدش المدونة ؟
انا ماني راحين تجمعات من الحين و رايح
ولد عمي ناوى يفصل الوايرلس بالديوانية ، يقول نصير شبهه

و شوتة جامدة لكن فين ....

خسر منتخبا
بس انا ما كن حاط الامال علية اصلا
تعادلين و فوز و خسارة ممتاز جدا ، احن من ادائنا بالتصفيات

شفت شوية من سكوب امس
شنوا هالمسخرة ؟
" شنو ناس عندها كل حاجة و مش محتاجة " و تحطون أحمد الفهد
يلعن ام الشغلة
طبعا الحين كل الناس ضد هالشغلة بس عندى تساؤل برىء
لو كان مرزوق الغانم هو الي محطوط كان في حتي ربع المحتجيين حاليا ؟

ابعد عني اصل انا شيعي !

خوش امن و سلامة بالحسينية بالاحمدي
شد حيلك يا عاشور و عبدالصمد و استجوبوا وزير الداخلية ليش سمح للناس تحط سلندرات غاز كبيرة ببيتهم
لا تسئلوني ليش الداخلية ما ادري الاطفاء تبع منو
او استجوبوا العليم ليش سمح بإدخال غاز فابل للإنفجار للكويت بدون اي احساس بالمسؤولية

عاد ننطر الوزراة الحين
الاشاعات مو خالصة
ناطريين وزيرنا الجديد مو علي احر من الجمر و لكن ابرد من الثلج
ما عمرة فرق معانا

بالمناسبة دامنا تكلمنا عن الشيعة
شكوا يطالبون بإجازة في عاشوراء و كل واحد معطل نفسة و لا غياب و لا شىء
اما انا لو غايب خصم و تحقيق
امحق اضطهاد